Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ БАХШИДА БА РӮЗИ МИЛИТСИЯИ ТОҶИК
10-11-2020, 07:14 | Автор: admin-balkhi | Категория: Асосӣ

П А Ё М И ТАБРИКИИ РАИСИ НОҲИЯИ

ҶАЛОЛИДДИНИ БАЛХӢ БАХШИДА БА РӮЗИ МИЛИТСИЯИ ТОҶИК.

10 НОЯБРИ СОЛИ 2020


МУҲТАРАМ КОРМАНДОНИ СОХТОРҲОИ ҲИФЗИ

ҲУҚУҚ, 


        Ҳар сол дар сар то сари Ҷумҳурии Тоҷикистони соҳибистиқлол тибқи Қонуни Ҷумҳурии Тоҷикистон аз 2-юми августи соли 2011,  №753 «Дар бораи рӯзҳои ид» иди касбии кормандони милитсияи тоҷик бо шукуҳу шаҳомати тоза ҷашн гирифта мешавад. Ба ҳама маълум аст, ки фаъолияти милитсия асосан ба ҳимояи ҳаёту амният, ҳуқуқу озодиҳои шаҳрвандон, ҳифзи манфиатҳои ҷомеаву давлат, таъмини тартибот ва суботи ҷомеа, пешгириву мубориза бар зидди ҷинояткориву қонуншиканиҳо, ошкор намудан ва тафтишоти онҳо, таъмини бехатарии ҳаракати нақлиёт ва таблиғоти донишҳои ҳуқуқӣ нигаронида шудааст. 

        Дар арафаи иди касбии кормандони милитсия ман мехостам ҳамаи кормандони мақомоти милитсияи ноҳияро ба муносибати Иди касбиашон самимона  табрик гуфта, барои Шумо муваффақият ва бурдбориҳои беинтиҳо орзу намоям. 

      Бояд таъкид намуд, ки милитсияи тоҷик дар тули таърихи мавҷудияти худ ва дар давраи соҳибистиқлолии давлатамон аз тамоми санҷишҳои талхи таърихӣ гузашта, дар таъмини амнияти давлату миллат саҳми арзанда гузоштааст.

      Аз моҳи декабри соли 1992, яъне аз оғози давраи барқарорсозии ҳокимияти давлатӣ то ба имрӯз кормандони мақомоти корҳои дохилӣ дар таъмини суботи кишварамон бо дарки ҷиддии масъулият заҳмат мекашанд ва хизмат мекунанд. 

        Мо хеле сарфарозем, ки кормандони милитсияи ноҳия вазифаҳои ҷонии худро софдилона иҷро менамоянд ва дар таъмини амният ва зиндагии осоиштаи мардум саҳми арзанда мегузоранд.   

      Тавассути заҳмати шабонарӯзии кормандони шуъбаи корҳои дохилии ноҳия, бо роҳбарии сардори шуъбаи Вазорати корҳои дохилӣ дар ноҳия полковники милитсия Шонадирзода Шоҳусейн онҳо ба эътиқод ва эҳтироми мардум сазовор гаштаанд. 

        Кормандони милитсия бо соҳаҳои гуногуни ҳаёти инсон сару кор доранд, аз ин ҷост, ки шуъбаи корҳои дохилии ноҳия бо ҳайати шахсӣ тамоми чораҳоро меандешад, ки сафи кормандони милитсия аз ҳисоби шахсони дорои малакаи тахассусию матонати шахсӣ ва ҳисси баланди ҳақиқатпарастӣ ва адолатпарварӣ пурра карда шавад.  

      Ташкил намудани муҳити орому осоишта ва эҳтироми ҳамдигар дар ҷойҳои ҷамъиятӣ ва аҳолинишин вазифаи муқаддаси кормандони милитсия мебошад. 

      Натиҷаи фаъолияти кормандони милитсия шаҳодат бар он аст, ки онҳо воқеан ҳам имрӯз аз уҳдаи вазифаи хеш - ҳифзи тартиботи ҷамъиятӣ ва оромиву осоиштагии мардум бо сарбаландӣ баромада истодаанд. 

      Бори дигар ҷашни касбиро ба кормандони мақомоти корҳои дохилӣ табрик гуфта, ба ҳар яки онҳо саломатӣ, хонаи обод ва дар кору фаъолияти масъулиятнокашон барору муваффақият орзу менамоям.

ҶАШН МУБОРАК БОШАД, ҲОМИЁНИ НАЗМУ ТАРТИБОТ ВА ФАРЗАНДОНИ СОДИҚИ ВАТАН!


скачать dle 12.1
Просмотров: 25  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.