Календар
«    Апрель 2021    »
ПнВтСрЧтПтСбВс
 1234
567891011
12131415161718
19202122232425
2627282930 
?????? ??? 7??? ??? ?? ?? .
http://balkhi.tj/
МИЗИ МУДАВВАР БАХШИДА БА РӮЗИ МОДАР
9-03-2021, 14:43 | Автор: admin-balkhi | Категория: Асосӣ

Мизи мудаввар

бахшида ба Рӯзи модар

    Бахшида ба Рӯзи модар аз тарафи Ташкилоти ҷамъиятии «Оксана» бо дастгирии САҲА мизи мудаввар дар ноҳияи Ҷалолиддини Балхӣ баргузор гардид.

    Дар ин чорабинӣ занону бонувони фаъоли ноҳия, ки ҳаёту фаъолияташон боиси таҳсину офарин ва ба насли ҷавон намунаи ибрат мебошад, иштирок намуданд.

     Роҳбари Ташкилоти ҷамъиятии «Оксана» Муаззама Усмонова қайд намуд, ки онҳо бо дастгирии Дафтари барномаҳои САҲА дар шаҳри Душанбе фаъолияти худро дар ҳамкорӣ бо мақомоти иҷроияи ҳокимияти давлатии ноҳия, ҷамоатҳои шаҳраку деҳот, ташкилоту муассисаҳо оид ба масъалаҳои «Пешгирии зӯроварӣ дар оила», «Баробарии гендерӣ», «Ҷалби духтарон ба таҳсил» ба роҳ мондааст. 

   Иштирокчиён зимни баромади худ дар васфи зан-модар сухан гуфта, аз саҳми занону бонувон дар пешрафту шукуфоии кишвар ва тарбияи насли имрӯза ёдовар шуданд. 

    Қайд гардид, ки зан беҳтарин муъҷизаи Парвардигор аст. Худованд ба зан зебоӣ, иффат, дилрабоӣ, шуҷоат, садоқату ҳунармандӣ, меҳру муҳаббат, наслофарӣ ва фариштахӯиро эҳдо кардааст. Дар хонадоне, ки аз меҳру навозиш ва файзу нусрати зан баҳравар нестанд, онҷо баракат нест. Бузургон гуфтаанд: «Саодати зиндагӣ дар калимаи зан нуҳуфтааст.

   Сипас дар мавзӯи зан ва мавқеи зан дар ҷомеа суолу ҷавоб сурат гирифт. Ҳамчунин дар иҷрои хонандагони муассисаи таҳсилоти миёнаи умумии рақами 10 шеъру сурудҳо дар бораи Зан-Модар қироат гардид.

скачать dle 12.1
Просмотров: 27  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.