Календар
«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 
?????? ??? 7??? ??? ?? ?? .
http://balkhi.tj/
БАР ЗИДДИ ТЕРРОРИЗМ ВА ЭКСТРЕМИЗМ МУБОРИЗА МЕБАРЕМ!
18-06-2020, 07:30 | Автор: admin-balkhi | Категория: Асосӣ

БАР ЗИДДИ ТЕРРОРИЗМ ВА ЭКСТРЕМИЗМ МУБОРИЗА МЕБАРЕМ!



       Солҳои охир яке аз масъалаҳои глобалие, ки тамоми мардуми сайёраро  ба ташвиш овардааст, ин зуҳур кардани терроризм ва экстремизм мебошад. Аҳли ҷомеаи ҷаҳонӣ экстремизмро ба маънои тундравӣ аз андоза гузаштани андешаҳо, тарс, ваҳм медонанд ва онро маҳкум карда ба он мубориза мебаранд. 

   Мутаасифона дар ҷомеа гуруҳҳое ҳастанд, ки аз бефаҳмию бесаводии ҷавонону наврасон истифода бурда, онҳоро ба ваъдаҳои пучу холӣ ба доми худ ҷалб сохта ба ҳар гунна ҳизбу ҳаракатҳои номатлуб шомил месозанд. Ин ҷавонону наврасон аз зумраи афроде ҳастанд, ки дар оила ва дар муассисаҳои таълимӣ тарбияи нодуруст гирифтаанд. Дар мафкураи онҳо қимати оила, фарзанд, ватану миллат арзиш надошта, ақидаҳои ифротии мазҳабҳои бегонаро ҷонибдорӣ ва ба ҷиноят даст мезананд. Аз расонаҳои иттилоотӣ иттилоъ дорем, ки дар ин роҳ садҳо ҷавонони ноогоҳ аз ҳадафу мақсадҳои ғаразноки гуруҳҳои тундгаро ба хотири пули муфт ба кишварҳои Сурия, Ироқу Шом ва Афғонистон рафта ғуломи зархарид мешаванд ва дар ин роҳ ҷони ҷавони худро қурбон менамоянд. 

Таҳлилҳо нишон медиҳанд, ки яке аз сабабҳои ба иттиҳодияҳои экстремистӣ майл пайдо кардани ҷавонон ин носолим будани муҳити оила мебошад. Вақте ки падару модар ба тақдири ояндаи фарзандон бепарвоӣ менамоянд, аз ин раванд гуруҳҳои экстремистӣ истифода бурда, ҷавононро ба таълимоти диннӣ ҷалб мекунанд. Баъзе ҷавонону наврасонро гумроҳкарда дар хориҷ ба таҳсил мегиранд ва ба узвияти ҳизбу ҳаракатҳои террористӣ шомил менамоянд.  Дар натиҷа баъди солҳои тулонӣ онҳо аз хориҷи кишвар баргашта, кушиш менамоянд, ки тарафдорони худро пайдо намуда, мафкураи ҳамсолону ҷомеаи шаҳрвандиро бо андешаҳои ғаразноки сиёсӣ олуда созанд. 

    Аз маълумотҳои оморӣ ва расонаҳои иҷтимоӣ бар меояд, ки ба ин гуруҳҳои ифротӣ бештар ҷавонону наврасони аз бист то чилу панҷсола шомил мебошанд. Бод арки воқеият дар Тоҷикистон тамоми қишри солим фикр барзидди ақидаҳои нопоки ин гуруҳи бадхоҳи стодагарӣ намуда, дастовардҳои боивази ҷон ба даст овардаи фарзандони фарзонаи тоҷикро ҳифзу ҳимоят менамоянд. 

Бо мақсади пешгирӣ аз ҳар гуна зуҳуроти номатлуб соли 2003 қонуни Ҷумҳурии Тоҷикистон «Дар бораи мубориза бар зидди экстремизм» қабул гардида мавриди амал қарор гирифтааст, ки даҳҳо ҷиноятҳои характори террористи доштаро ошкор ва ҷазои сазовор тадбиқ карда мешавад. 

       Зимни баромаду вохуриҳо бо мардум Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон борҳо таъкид ба амал меорад, ки зиракии сиёсиро аз даст надода, барои ҳимояи амният, ваҳдати миллӣ, сулҳу субот, волоияти қонун ва оромию осудагии кишвари маҳбубамон омода бошанд. Аз ин ру зарур аст, ки барои пешгирии хавфҳои ифротӣ гуруҳҳои махсуси омӯзишӣ ташкил шуда, бобати мубориза бар зидди ақидаҳои носолими гуруҳҳои ифротгаро миёни аҳолӣ намоем. Аз ин рӯ аз ҷомеаи шаҳрвандӣ, волидайн ва ҳар як фарди комили ҷомеа тақозо карда мешавад, ки ҷиҳати мубориза бар зидди гуруҳҳои ифротӣ аз тамоми имкониятҳо истифода намуда, дар андешаи тарбияи насли солим ва дорои тафаккури созанда ва дар фикри ободию сарсабзию кишвари биҳиштосоямон бошем, тинҷию оромӣ, пешрафту тарақиёти ватани азизамон бо дилу ҷон ҳифз намуда, барои гулшукуфии он омода бошем. 


         

Юсуфзода А.Ю.

Мудири шуъбаи маорифи мақомоти 

иҷроияи маҳаллии ҳокимияти давлатии 

                                ноҳияи Ҷалолиддини Балхӣ                              скачать dle 12.1
Просмотров: 20  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.