Календар
«    Февраль 2021    »
ПнВтСрЧтПтСбВс
1234567
891011121314
15161718192021
22232425262728
?????? ??? 7??? ??? ?? ?? .
http://balkhi.tj/
Паёми табрикии раиси ноҳияи Ҷалолиддини Балхӣ, муҳтарам Убайдуллои Файзулло ба муносибати 28- солагии таъсисёбии Қувваҳои Мусаллаҳи Ҷумҳурии Тоҷикистон
23-02-2021, 08:55 | Автор: admin-balkhi | Категория: Асосӣ



Паёми табрикии раиси ноҳияи Ҷалолиддини Балхӣ,

муҳтарам Убайдуллои Файзулло ба муносибати

28- солагии таъсисёбии Қувваҳои Мусаллаҳи 

Ҷумҳурии ТоҶикистон

Муҳтарам хизматчиёни ҳарбӣ, 

ҳозирини  гиромӣ!

   Қувваҳои Мусаллаҳи Ҷумҳурии Тоҷикистон аз рукнҳои асосӣ ва устувору қавии давлати ҳуқуқасоси Тоҷикистон буда, баробари соҳибистиқлол гардидани давлати тозабунёди миллии мо бо мақсади ҳимояи марзу бум, шарафу номус ва музаффариятҳои Тоҷикистони соҳибихтиёр  ташкил гардида, аз солҳои таъсисёбӣ роҳеро тай кардааст, ки пур аз саҳифаҳои шуҷоат, далерӣ ва қаҳрамонӣ аст.  

  Дар ин лаҳзаҳои ифтихорӣ Шумо - собиқадорон, хизматчиёни ҳарбӣ ва мардуми сарбаланди ноҳияро ба муносибати 28-солагии таъсисёбии Қувваҳои Мусаллаҳи Ҷумҳурии Тоҷикистон    самимонатабрик намуда, бароятон сарбаландиву рузгори обод ва сарфарозиро орзу менамоям. 

     Мову Шумо хуб дар ёд дорем, ки Қувваҳои Мусаллаҳи кишвар дар солҳои аввали соҳибистиқлолӣ сарфи назар аз мавҷуд набудани заминаҳои моддию техникӣ, нарасидани кадрҳои касбии ҳарбӣ ба хотири пешгирии хатари аз байн рафтани миллат ва давлати навташкил аз ҳисоби имкониятҳои маҳдуди дохилӣ ташкил ёфт. Ягона чизе, ки давлату миллат ба он эътимоду боварӣ дошт, ин ҳисси ватанпарварӣ ва омодагии ҷавонмардони шуҷои ватан барои ҳифзи халқу ватан буд. 

      Яъне метавон гуфт, ки Артиши миллии мо фаъолияти худро бо таҷрибаи ночиз, вале масъулияти ниҳоят баланд оғоз намуда, хушбахтона бо таваҷҷуҳ, ибтикор ва азми ватансозии Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон Ҷаноби Олӣ муҳтарам Эмомалӣ Раҳмон дар зарфи се даҳсола ба мактаби тарбияи ватандӯстиву ватандорӣ ва матонату мардонагӣ табдил ёфтааст. Имруз дар сафҳои Қувваҳои Мусаллаҳи кишвари мо ҷавонони содиқу қавиирода, ватандусту ватанпараст бешумор буда, қодиранд, ки    амнияти давлату миллат ва ҳифзи марзу буми ватанамонро пурра таъмин намоянд. 

    Зимнан ба Шумо  - афсарону Ҷавонон пешниҳод карда мешавад, ки ҳама хислатҳои поку инсонии падарону бародарони худро омузед ва онро дар зиндагӣ бошуурона тадбиқ намоед. 

     Яъне,ба супориши халқу Ватан ҳамеша омода бошед ва хизмат намуданро қарзи бевоситаи шаҳрвандӣ ҳисобида, онро ба касе миннат накунед. 

     Таъкидан изҳор менамоям, ки ҷонфидоию диловарӣ ва далерию мардонагии онҳое, ки дар ҳифзи ватан Ҷон нисор кардаанд ва то имруз хизмат мекунанд, ҳамеша қадр карда мешавад.  

     Матонати ин муҳофизони боэътимоди Ватан ҳатто бо гузашти вақт маъниҳои амиқтар касб намуда, барои фарзандону наберагони миллати шарафманди тоҷик намунаи олии мактаби мардонагӣ арзёбӣ мегардад. 

     Мо аз он ифтихор мекунем, ки дар сафи Қувваҳои Мусаллаҳи Ҷумҳурии ТоҶикистон дар баробари дигар фарзандони содиқи кишвар Ҷавонони бонангу номуси ноҳия низ хизмат намуда, шарафу қарзи ватандориро сарбаландона иҶро менамоянд. Мақомоти иҶроияи маҳаллии ҳокимияти давлатии ноҳия нисбат ба дастгирии афсарону низомиёне, ки дар сафҳои Артиши мамлакат хизмат мекунанд, бетараф набуда, дар арафаи ҳар як иду Ҷашнҳои ифтихорӣ кумакҳои яквақтаи моддӣ мерасонад.Ин ташаббус минбаъд низ идома дода шуда,  Ҷавонони синни даъватӣ  дар муҳлати муайяншуда ба хизмати ҳарбӣ сафарбар шаванд, зеро имруз дар сафи Қувваҳои мусаллаҳ бояд Ҷавонони руҳану Ҷисман солим сафарбар шуда, дар ҳама маврид омодагии худро аз дифои марзу буми кишвар нишон диҳад.  

      Ҳозирини арҶманд!

    Қувваҳои Мусаллаҳи кишвар яке аз воситаҳои асосии ба ҳам наздик сохтани ҷавонони минтақаҳои гуногун ва омили аслии ваҳдату ягонагӣ мебошад. Ҷавононе, ки дар сафи ин неруи қудратманди кишвар хизмат мекунанд, бояд амиқ дарк намоянд, ки дар марҳилаи торафт вусъат пайдо кардани бархӯрди қудратҳои ҷаҳонӣ ҳимояи манфиатҳои милливу давлатӣ, ҳифзи суботу оромии ҷомеа, таҳкими ваҳдати миллӣ вазифаи муқаддаси Қувваҳои Мусаллаҳ ва ҷавонони бонангу номуси ватан аст.

     Мо имруз имконият дорем, ки бо сарварии Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон иқтидори низомии кишварро неруманд гардонида, дар мубориза бар зидди ҳама гуна таҳаввулоти сиёсии ҷаҳонӣ дар сафи пеш истодагарӣ намоем.       Соли 2020 бо тамоми мушкилоташ собит намуд, ки мо барои боз ҳам беҳтар зистан, обод намудани Ватани азизамон ва тараққӣ додани давлати соҳибистиқлоламон нерў, таҶриба, шароит ва захираҳои заруриро истифода менамоем. 

      Ин пеш аз ҳама хизмати содиқонаву софдилонаи фарзандони шуҷои ватан барои ҳифзи марзу буми кишвар аст. Имруз мо вазифадорем, ки ҳар як амали худро бо номи Ватани азизамон - Тоҷикистони соҳибистиқлол ва халқи шарифу заҳматкаши он анҷом диҳем, ба амалисозии ташаббусҳои неку созанда ба хотири ҳифзи дастовардҳои Истиқлолият ва ободии Ватани азизамон  омода бошем ва Тоҷикистони азизамонро аз хатарҳои Ҷаҳонӣ эмин нигоҳ дорем. Хушбахтона,  имруз муҳаббат ба Ватан, ифтихор аз гузаштаи ибратомуз, ҳифзи арзишҳои миллӣ, дастовардҳои истиқлолият ва бунёди ҷомеаи шаҳрвандӣ ғояи асосии давлати миллии моро ташкил дода, боварӣ дорем, ки ҳар кадоми Шумо бо бардошт аз ин ѓояи ватандорӣ ва дастуру супоришҳое, ки дар Паёми имсолаи Пешвои муаззами миллат аз паёмадҳои хатарҳои Ҷаҳонӣ таъкид карданд, хулосаи амиқ ҳосил намуда, Ҷиҳати иҶрои саривақтии онҳо худро масъул медонед. 

      Бо арзи эҳтироми  бепоён бори дигар Шумо -ҳозирини арҶмандро ба муносибати Ҷашни 28-солагии таъсисёбии Қувваҳои Мусаллаҳи Ҷумҳурии Тоҷикистон табрик намуда, бароятон саломатӣ, сарбаландӣ ва саодати рӯзгору барори кор орзу менамоям.


Ҳамеша саломату сарбаланд бошед,

ҳамдиёрони азиз!

скачать dle 12.1
Просмотров: 7  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.