"ШУКӮҲИ ИСТИҚЛОЛ" ДАР ҶАМОАТИ ШАҲРАКИ ГУЛИСТОН

       Шоми 7 сентябри соли 2025 дар Ҷамоати шаҳраки Гулистони ноҳияи Ҷалолиддини Балхӣ бо иштироки роҳбарияти ноҳия, намояндагони ташкилоту идораҳо, зиёиёну фаъолон ва сокинони ҷамоат чорабинии идона таҳти унвони «Шукӯҳи Истиқлол» баргузор гардид. Таъкид гардид, ки маҳз Истиқлолият роҳи нави зиндагиро барои тоҷикон боз карда, сабаби эҳёи суннату арзишҳои миллӣ гардид ва шароити рушди устувори сиёсиву иқтисодӣ ва иҷтимоиро фароҳам овард.

Чорабинӣ бо сурудҳо ва навоҳои пурмазмуни санъаткорон гуворотар гардид. Сарояндаи машҳури кишвар Ҷаҳонгири Рустам бо иҷрои сурудҳои ватандӯстона фазои идонаро рангоранг намуда, меҳри мардумро ба Ватан ва Истиқлол боз ҳам тақвият бахшиданд.

 Сокинони Ҷамоати шаҳраки Гулистон бо руҳияи баланд дар чорабинӣ ҳузур доштанд ва бо кафкӯбиҳои гарму самимӣ сипоси худро аз неъмати соҳибистиқлолӣ ва дастовардҳои давлати соҳибихтиёр иброз намуданд. Чорабинӣ бо аҳди ҳамагон барои ҳифзу ободии Ватан ва арҷгузорӣ ба Истиқлолият, ки рамзи озодӣ, ваҳдат ва сарбаландии миллати тоҷик аст, анҷом ёфт.