РӮЗИ ИНТЕРНАТСИАЛИСТОН ТАҶЛИЛ КАРДА ШУД!

    Санаи 13 феврали соли равон дар толори маҷлисгоҳи Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки намояндаи мақомоти иҷроияи ҳокимияти давлатии ноҳия, мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Раҷабалӣ Абдулов 34-умин солгарди аз Ҷумҳурии Демократии Афғонистон баровардани Қувваҳои Мусаллаҳи собиқ иттиҳоди Шӯравӣ бо тантана таҷлил карда шуд. Дар ин ҷамъомад роҳбарон ва намояндагони собиқадорони башардӯсти вилояти Хатлон, муовини раиси интернатсиалистони вилояти Хатлон Моисеев А. В. прокурор ва раиси суди ноҳия, раиси собиқадорони меҳнати ноҳия Файзалиев Раҳмоналӣ ва комиссариати ҳарбии ноҳия иштирок доштанд. Нахуст раиси иттиҳоди интернатсионалистони собиқадори ноҳия ибрози сухан намуда, бо хотираи шаҳидоне, ки баҳри иҷрои қарзи интернатсионалисти ҷони худро бохтанд, бо дақиқаи хомӯшӣ ёд карда, шуд. Сипас Раҷабалӣ Абдулов суханронӣ намуда, қайд кард, ки саҳми интернатсионалистони собиқадор дар тарбияи насли наврас беназир аст ва фаъолияти пурсамараи онҳо дар ҳамаи соҳаҳои хоҷагии ноҳия ба хубӣ эҳсос мегардад. Айни ҳол иттиҳоди интернатсионалистони собиқадори ноҳия 158 нафарро ташкил медиҳанд. 

                                                            ВОХӮРИИ МУФИД БО ХОНАНДАГОН

    Санаи 14 феврали соли 2023 дар гимназияи давлатии №1-и ноҳияи Ҷалолиддини Балхӣ бо иштироки сармутахассис-котиби комиссия оид ба ҳуқуқи кӯдаки назди Мақомоти иҷроияи ҳокимияти давлатии ноҳияи Ҷалолиддини Балхӣ Барно Саидова, муовини сардори Раёсати ҳифзи ҳуқуқи кӯдаки Вазорати маориф ва илми Ҷумҳурии Тоҷикистон Фирӯз Султонзода, мудири шуъбаи маорифи ноҳия Хайрулло Ҳакимзода вохӯрии муфид оид ба самти пешгирии омилҳои номатлуби иҷтимоӣ байни ноболиғону ҷавонон, зӯроварӣ, рафти иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бо омӯзгорон, хонандагон ва волидон баргузор гардид. Барно Саидова зимни суханронии хеш зикр дошт, ки масъулияти падару модар дар таълиму тарбияи фарзанд дар рӯҳияи инсондӯстӣ, ифтихори ватандорӣ, эҳтироми арзишҳои миллӣ, умумибашарӣ ва фарҳангӣ, инчунин ҳифзи ҳуқуқу манфиатҳои фарзанд, раванди мақсаднок ба воя расонидани фарзанд аз ҷониби падару модар, муассисаи таълимӣ, ҷомеа ва ба зиндагии мустақилона омода намудан аст. Ҳамчунин дар навбати худ дигар баромадкунандагон низ оид ба мавзӯъҳои болозикр андешаронӣ намуданд. Чунин вохӯриҳо дар муассисаҳои таҳсилоти миёнаи умумии ҷамоатҳои деҳоти Калинин, Ҳалевард ва Навоӣ баргузор гардид.

Суратгузориш аз рафти кандани заҳбуру заҳкашҳои байни хочагиҳои деқконии ҳудуди Ҷамоати деҳоти Маданияти ноҳияи Ҷалолиддини Балхӣ. 11.02.2023

НИШАСТИ МАТБУОТИИ РАИСИ НОҲИЯИ ҶАЛОЛИДДИНИ БАЛХӢ БО ИШТИРОКИ НАМОЯНДАГОНИ ВАСОИТИ АХБОРИ ОМА

  Санаи 10 феврали соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ бо доираи васеи намояндагони васоити ахбори омма, нишасти матбуотии назди раиси ноҳия баргузор гардид. Дар нишасти матбуотӣ муовинони раиси ноҳия, мудирони шуъбаву бахшҳои дастгоҳи раиси ноҳия, роҳбарони воҳидҳои сохтории мақомоти иҷроияи ҳокимияти давлатӣ ва раисони ҷамоатҳо шаҳраку деҳоти ноҳия иштирок намуданд. Дар оғоз аз ҷониби раиси ноҳия муҳтарам Холмурод Раҳмон роҷеъ ба фаъолияти рушди иҷтимоию иқтисодии ноҳия маълумотҳои мухтасар пешниҳод карда шуд. Аз ҷумла зикр гардид, ки дар соли 2022 дар ҳудуди ноҳия 33 корхонаи саноатӣ фаъолият мекунад, ки дар онҳо истеҳсоли маҳсулот асосан бо ашёи хоми маҳаллӣ ба роҳ мода шудааст. Корхонаҳои саноатии ноҳия дар соли 2022 дар ҳаҷми 252 миллиону 769, 8 ҳазор сомонӣ маҳсулот истеҳсол намудаанд, ки нисбат ба ҳамин давраи соли 2021 ба маблағи 53 миллиону 792 ҳазор сомонӣ зиёд буда, 125, 8 фоизро ташкил намуд. Дар давоми соли 2022 дар ноҳия ҳаҷми истеҳсоли маҳсулотҳои кишоварзӣ як миллиарду 429 миллиону 157 ҳазор сомониро ташкил дода, нисбат ба ҳамин давраи соли гузашта 39 миллиону 366,6 ҳазор сомонӣ зиёд иҷро гардида, афзоиш 102, 8 фоизро ташкил медиҳад. Дар идома рӯзноманигорон вобаста ба пешравӣ ва дигар норасоиҳое, ки дар ташкилоту муассисахои ноҳия ба назар мерасад суолгузорӣ намуда, аз ҷониби раиси ноҳияи Ҷалолиддини Балхӣ муҳтарам Холмурод Раҳмон ба суолҳои худ оид ба самти кишоварзӣ, корхонаҳои саноатӣ, ободонии роҳҳо, самти соҳаи маориф ва фарҳанг ҷавобҳои мушахас гирифтанд.

                                   ВОХӮРИИ РАИСИ НОҲИЯ БО СОКИНОНИ ҶАМОАТИ ДЕҲОТИ НАВОӢ

   Санаи 6 феврали соли 2023 раиси ноҳияи Ҷалолиддини Балхӣ муҳтарам Холмурод Раҳмон дар муассисаи таҳсилоти миёнаи умумии №45-и Ҷамоати деҳоти Навоӣ бо масъулини ҷамоати зикргардида, раисони маҳалла ва сокинон вохӯрӣ намуд. Дар вохӯии мазкур раиси ноҳия муҳтарам Холмурод Раҳмон оид ба масъалаҳои корҳои ободонӣ, аз ҷумла шудгори саривақтии заминҳои кишоварзӣ, шинонидани дарахтони сояафкану мевадиҳанда, гулу буттаҳо ва инчунин дар бораи ҷалби ҷавонон ба сафи Қувваҳои Мусаллаҳи Ҷумҳурии Тоҷикистон ва сохтани 10 синфхонаи иловагӣ дар деҳаи Ҳосилот бо тарзи ҳашар ва дастгирии соҳибкорони маҳалла суханронӣ намуд. Дар ин ҷамъомад сокинон ва иштирокдорон суолҳои худро пешниҳоди раиси ноҳия намуда, ба худ чавобҳои лозимӣ гирифтанд

ВОХӮРӢ БО КОРМАНДОНИ КОМПЛЕКСИ АГРОСАНОАТӢ

    Санаи 9 феврали соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ вохӯрии муовини якуми раиси вилояти Хатлон муҳтарам Салимзода Амонулло Файзулло бо роҳбарони ташкилотҳои комплекси агросаноатии ноҳия, раисон ва кормандони ҷамоатҳои шаҳраку деҳоти ноҳия баргузор гардид. Сараввал муовини якуми раиси ноҳия Холиқзода Рустам оид ба вазъи соҳаи комплекси агросаноатии ноҳия дар давоми соли 2022 маълумот дод. Салимзода Амонулло вазифаҳои навбатиро барои соли 2023 баён намуда, оид ба масъалаҳои шудгор кардани заминҳо, шинонидани зироатҳои полезӣ,тайёрӣ ба кишти пахта, барқароркунии боғу токзорҳо, зиёд намудани гармхонаҳо ва ғайраҳо андешаронӣ намуд. Раиси ноҳия муҳтарам Холмурод Раҳмон зимни суханрониҳои хеш қайд намуд, ки кормандони соҳаи комплекси агросаноатии ноҳияи Ҷалолиддини Балхӣ тамоми қувваҳои худро баҳри амалӣ гардонидани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Хатлон равона намуда, аз рӯи масъалаҳои баррасишуда протокол таҳия намуда, иҷрои супоришҳо таъмин ва назорат карда мешаванд.

                                                                  ҚАДРДОНӢ

 Санаи 6 уми феврали соли 2023 аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар меҳмонхонаи ҲАЯТ РЕҶЕНСИИ шаҳри Душанбе маросими ҷоизасупории соҳаи кор бо ҷавонон дар соли 2022 баргузор гардид. Дар ин рӯз мудири Бахши кор бо ҷавонон ва варзиши ноҳияи Ҷалолиддини Балхӣ Қурбонзода Хуршед бо Дипломи "БЕҲТАРИН КОРМАНДИ СОҲАИ КОР БО ҶАВОНОН ДАР СОЛИ 2022" сарфароз гардид. Муборак бошад!

                                                                    ҚАДРДОНӢ

    Санаи 7 феврали соли 2023 дар муассисаи таҳсилоти миёнаи умумии №1 бо супориши раиси ноҳияи Ҷалолиддини Балхӣ муҳтарам Холмурод Раҳмон аз тарафи мудири бахши кор бо занон ва оилаи Мақомоти иҷроияи ҳокимияти давлатии ноҳия Ҷаъфарзода Фарзона вохӯрӣ бо омӯзгорон ва волидон баргузор гардид. Аз ҷумла баргузории чорабинии тарғиботии «Фарзанди босавод-ифтихори модар» дар доираи иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», вобаста ба ҷалби модарон ба мактаб ва иштироки онҳо дар соатҳои дарсӣ дар самти иҷрои дастуру супоришҳои Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон суҳбат гузаронида шуд. Дар вохӯрӣ якчанд нафар омӯзгорони пуртаҷриба аз ҷумла омӯзгороне, ки аз фанни забони руссӣ дарс мегӯянд бо мукофотпулӣ қадрдонӣ карда шуданд. Ҳамчунин ингуна вохӯрӣ дар муассисаи таҳсилоти миёнаи умумии №10 низ баргузор гардид.

                                            ОЗМУНИ "СУРУДИ АЛЛА"

   Санаи 7 феврали соли 2023 тибқи нақша-чорабиинии тасдиқнамудаи Раёсати фарҳанги мақомоти иҷроияи ҳокимияти давлатии вилояти Хатлон да Чойхонаи «Шамсулло»-и ноҳияи Ҷалолиддини Балхӣ даври озмуни вилоятии «Суруди Алла» таҳти унвони «Алла ифшогари орзуҳои модар» бо иштироки ҷамоатҳои шаҳраку деҳоти ноҳия баргузор гардид. Дар ин чорабинӣ Ҷаъфарзода Фарзона- мудири бахши кор бо оила, Латифзода Насиба- мудири бахши фарҳанг, мудири Осорхонаи таъриху кишваршиносии ноҳия Фирӯзаи Турахон ва мудири китобхонаи марказӣ Имомзода Адолат иштирок намуданд. Озмуни болозикр бо мақсади баланд бардоштани маърифати оиладорӣ, омодасозии ҷавондухтарон ба ҳаёти мустақил, арҷгузорӣ ба расму ойини миллӣ ва анъанаҳои миллии мардуми тоҷик гузаронида шуд. Дар фарҷоми чорабинӣ иштирокчиёни фаъол бо Сипосномаҳои Мақомоти иҷроияи ҳокимияти давлатии ноҳия сарфароз гардонида шуда, ҳамзамон аз тарафи Ҷамоати шаҳраки Гулистон ба ду ҷуфт навхонадорон шаҳодатномаи ақди никоҳ ва туҳфаҳои хотиравӣ тақдим карда шуд.

 ВОХӮРИИ СУДМАНД

   Санаи 3 феврали соли 2023 дар Ҷамоати шаҳраки Гулистон бо иштироки муовини якуми раиси ноҳия Холиқзода Рустам, мудири бахши фарҳанг Латифзода Насиба, мудири бахши кор бо занон ва оилаи назди мақомоти иҷроия Ҷаъфарзода Фарзона ва муовини Ҷамоати шаҳраки Гулистон Гулрухсор Кабирова вохӯрии судманд бо фаъолони ҷамоати мазкур баргузор гардид. Зимни суханрониҳо муовини якуми раиси ноҳия Холиқзода Рустам дар зикр дошт, ки тамоми намояндагони корхонаву ташкилот ва хоҷагиву ҷамоатҳо ба ҳашари дастаҷамона бароянд. Аз ҷумла дар бораи кишту кор ва шинонидани гулу буттаҳо ва дарахтони сояафкану мевадиҳанда саҳмгузор бошанд . Қайд гардид, ки дар заминҳои хоҷагӣ кишту кор ба роҳ монда шавад. Инчунин дар ин вохӯрӣ аҳли толор низ фикру андешаҳои худро иброз намуданд.