-->
 

                    ҶАЛАСАИ НАЗОРАТИИ НАЗДИ МУОВИНИ РАИСИ НОҲИЯ

      Санаи 1 июни соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ ҷаласаи назоратии назди муовини раиси ноҳия оид ба соҳаи иҷтимоӣ Сангализода Қумринисо баргузор гардид. Дар ҷаласа роҳбарони ташкилоту муассисаҳои соҳаи иҷтимоӣ, муовинони раисони ҷамоатҳои шаҳраку деҳот оид ба соҳаи иҷтимоӣ, мудирони шуъбаву бахшҳои дахлдори Мақомоти иҷроияи ҳокимияти давлатии ноҳия иштирок намуданд. Дар рафти ҷаласа аз роҳбарони соҳаҳои фарҳанг, сабти асноди ҳолати шаҳрвандӣ, кор бо ҷавонон ва варзиш, пурсиш ба амал оварда шуд. Барои бартараф намудани камбудиҳои ҷойдошта муҳлат дода шуд.

      Санаи 30 майи соли равон Сардори Раёсати фарҳанги вилояти Хатлон Насриддинзода Рамазон аз китобхонаҳои ноҳияи Ҷалолиддини Балхӣ дар доираи озмуни вилоятии китобхонаҳо таҳти унвони "Махзани маърифат" дидан намуд.

                          ТАҶЛИЛИ РӮЗИ БАЙНАЛМИЛАЛИИ ҲИФЗИ КӮДАКОН

         Ҳамасола бахшида ба Рӯзи байналмилалии ҳифзи кӯдакон -1 июн дар Ҷумҳурии Тоҷикистон чорабиниҳои гуногун баргузор карда мешавад. Кӯдакон сарвати муҳимтарин, ояндаи неки имрӯзу фардои миллат мебошанд ва ғамхорӣ нисбат ба онҳо вазифаи ҳар як шахс, ҷомеа ва давлат аст. Иқдомҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба таъмини ҳаёти осоиштаи кӯдакон, таъмин ва риояи ҳуқуқу озодиҳои онҳо, дар рӯҳияи меҳру муҳаббат ба Ватан ва ҳамчун насли солиму созанда тарбия ёфтани кӯдакон равона гардидаанд. 

      ЧОРАБИНИҲО БАХШИДА БА РӮЗИ БАЙНАЛМИЛАЛИИ ҲИФЗИ КӮДАКОН

   Дар ноҳияи Ҷалолиддини Балхӣ бахшида ба чорабинии як моҳи ҳаёти кӯдакон аз тарафи Мақомоти иҷроияи ҳокимияти давлатии ноҳия як қатор чорабиниҳо таҳия гардида, кӯдакон ба ҷойҳои таърихии ноҳия аз қабили Осорхона, Мақбара ва Хона – музейи Ҷалолиддини Балхӣ ҷалб карда шуданд. Инчунин оид ба ин чорабинӣ як қатор озмунҳо гузаронида шуд, ки ғолибон аз тарафи Мақомоти иҷроияи ҳокимияти давлатии ноҳия ва шуъбаи маориф бо ифтихорнома ва туҳфаҳои хотиравӣ сарфароз гардонида шуданд. Дар партави дастуру супоришҳои Асосгузори сулҳу ваҳдати миллӣ –Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон барои дастгирӣ расонидан ба кӯдакони маъюб ва имконияташон маҳдуд Мақомоти иҷроияи ҳокимияти давлатии ноҳияи Ҷалолиддини Балхӣ муовини раиси ноҳия Сангализода Қумринисо, сармутахассис - котиби комиссия оид ба ҳуқуқи кӯдаки мақомоти иҷроияи ҳокимияти давлатии ноҳия дар якҷоягӣ бо муовинони раисони ҷамоатҳои шаҳраку деҳот оид ба соҳаи иҷтимоӣ ба 85 нафар кӯдакони маъюби бистарӣ кӯмаки яквақтаинаи молиявӣ расонида шуд. Дар ҳамин раванд муовини раиси ноҳия Сангализода Қумринисо аз шарту шароитҳои муассисаҳои томактабии ноҳия дидан намуданд.

                                                               КОРИ ХАЙР

     Имрӯз 26 майи соли ҷорӣ аз тарафи раиси Ҷамоати деҳоти Маданияти ноҳияи Ҷалолиддини Балхӣ Эшбуризода Баҳриддин бахшида ба Рӯзи байналмилалии ҳифзи кӯдакон ба 18 нафар кӯдакони имконияти маҳдуд доштаи ҷамоати мазкур маҳсулотҳои хӯрока ва шириниоҳо кумак карда шуд.

                                                                      ҶАЛАСАИ НАЗОРАТӢ

         Санаи 25 майи соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ ҷаласаи назоратии назди муовини раиси ноҳия оид ба соҳаи иҷтимоӣ Сангализода Қумринисо баргузор гардид. Дар ҷаласа роҳбарони ташкилоту муассисаҳои соҳаи иҷтимоӣ, муовинони раисони ҷамоатҳои шаҳраку деҳот оид ба соҳаи иҷтимоӣ, мудирони шуъбаву бахшҳои дахлдори Мақомоти иҷроияи ҳокимияти давлатии ноҳия иштирок намуданд. Дар рафти ҷаласа аз роҳбарони соҳаҳои маориф ва тандурустӣ пурсиш ба амал оварда, барои бартараф намудани камбудиҳои ҷойдошта муҳлат дода шуд. Инчунин, аз тарафи муовини раиси ноҳия барои дар сатҳи баланди фарҳангӣ ҷашн гирифтани Рӯзи байналмилалии ҳифзи кӯдакон ба ҳозирин дастуру супоришҳо дода шуд.

 

                    БОЗДИД АЗ ВАЗЪИ СОҲАИ МАОРИФ

         Рӯзи 23 майи соли 2023 муовини раиси ноҳияи Ҷалолиддини Балхӣ Сангализода Қумринисо аз вазъи соҳаи маориф дар ноҳияи Ҷалолиддини Балхӣ дидан намуда, барои баланд бардоштани таълиму тарбия, либоси мактабӣ, иштироки хонандагон дар олимпиадаҳои ҷумҳуриявӣ, ҷалби духтарон ба зинаҳои таҳсилот, инчунин оид ба ободонӣ ва таъмири гирду атроф ва дохили муассисаҳои таълимӣ бо иштироки омӯзгорон суҳбату вохӯриҳо доир намуданд.

 

                              БОЗДИД АЗ ВАЗЪИ СОҲАИ ТАНДУРУСТӢ

  Санаи 22 майи соли 2023 муовини раиси ноҳияи Ҷалолиддини Балхӣ Сангализода Қумринисо аз вазъи соҳаи тандурустӣ дидан намуд. Аз тарафи муовини раиси ноҳия оид ба вазъи ободонии гирду атрофи беморхонаи марказии ноҳия, шинонидани гулу буттаҳо, инчунин ҷиҳати санитарӣ ва гигиении шуъбаҳои беморхона ба масъулини соҳа маслиҳатҳои муфид барои бартараф намудани камбудиҳои ҷойдошта муҳлат дода шуд. Шоҳсанам Аҷикова, "Навиди Балх"

 

 

                             УСУЛИ «ХОНА БА ХОНА» БАРГУЗОР ГАРДИД

          Санаи 19 майи соли 2023 дар деҳаи Қизилюлдузи Ҷамоати деҳоти Маданияти ноҳияи Ҷалолиддини Балхӣ бо иштироки масъулини бахши кор бо занони Мақомоти иҷроияи ҳокимияти давлатии ноҳия, сабти асноди ҳолати шањрвандӣ, Маркази репродуктивӣ ва Маркази мубориза бо бемории ВНМО, шуъбаи маориф, муовини раиси Ҷамоати деҳоти Маданият оид ба кори фардии усули «Хона ба хона» вохӯрӣ бо занони хонанишин, оид ба риояи талаботҳои қонунҳои амалкунандаи Ҷумҳурии Тоҷикистон «Дар бораи масъулияти падару модар дар таълиму тарбяи фарзанд», «Дар бораи пешгирии зўроварӣ дар оила» инчунин баланд бардоштани маърифати оиладорӣ, донистани ҳуқуқҳои худ, пешгирии шомилшавии ҷавонон ва занон ба ҳизбу ҳаракатҳои ифротгароӣ, пешгирии ҷудошавии оилаҳо, оқибатҳои нохуши никоҳи хешутаборӣ, худкушию худсӯзӣ, пешгирии бемориҳои сироятӣ, ҷалби духтарон ба илму ҳунаромӯзӣ ва оид ба дигар масъалаҳои мубрами рӯз ташкил ва баргузор гардид. Мақсад аз баргузории чунин вохӯриҳо бедор намудани ҳисси меҳандӯстӣ ва зебоипарастӣ дар замири ҳар шахс мебошад. Парвина АҶИКОВА, "Навиди Балх"

 

ПЕШВОИ МИЛЛАТ БА НЕРӮИ СОЗАНДАИ ҶАВОНОН БОВАР ДОРАНД «Мо ҷавононро нерўи созандаву бунёдкор, пешбарандаи ҷомеаи навини кишварамон ва ояндаи халқамон эълон кардем ва дар ҳалли ҳамаи масъалаҳои ҳаёти ҷомеа ва давлат то имрӯз ба онҳо такя мекунем». Эмомалӣ Раҳмон Ҳанӯз 17 марти соли 1994 мулоқоти нахустини Пешвои муаззами миллат, муҳтарам Эмомалӣ Раҳмон ба ҳайси Роҳбари давлат ва раиси Шӯрои Олии Ҷумҳурии Тоҷикистон дар Анҷумани якуми Иттифоқи ҷавонони Тоҷикистон баргузор гардида, ин нишонаи онро дорад, ки Пешвои миллат ба нерӯи созандаи ҷавонон бовар доранд ва яке аз самтҳои афзалиятнок ва муҳимтарини сиёсати давлат меҳисобанд. 

Ҷустуҷӯ

РАИСИ НОҲИЯ АЗ РАФТИ ТАЪМИРУ АЗНАВСОЗИИ МУАССИСАҲОИ ТАЪЛИМИИ ҶАМОАТИ ДЕҲОТИ ЗОЛИ ЗАР ДИДАН НАМУДАНД
Этот стройматериал легко транспортируется в герметичных пакетах. Перед нанесением смесь необходимо смешать с водой в требуемых пропорциях. Сухую
Суратгузориш аз рафти ҳашари дастаҷамъонаи оромгоҳи немисҳои даврони Шӯравӣ дар Ҷамоати деҳоти Навоӣ бо иштироки раиси ноҳияи Ҷалолиддини Балхӣ муҳтарам Холмурод Раҳмон ва 250 нафар сокинони ҷамоати мазкур.
Оформить онлайн-заявку сверху кредит во шиздец банки Москва. Вопреки на то, что кредит обнаруживается шибким равно эффективным оружием решения
Суратгузориш аз рафти ҳашари дастаҷамъонаи оромгоҳи немисҳои даврони Шӯравӣ дар Ҷамоати деҳоти Навоӣ бо иштироки раиси ноҳияи Ҷалолиддини Балхӣ муҳтарам Холмурод Раҳмон ва 250 нафар сокинони ҷамоати мазкур.
Оформить онлайн-заявку сверху кредит умереть и не встать шиздец банки Москва. Не взирая на то, что счет является шибким а также лучшим оружием
ҚАДРДОНӢ
Бехтарин 👏🏻
ЧОРАБИНИИ ФАРҲАНГӢ БАХШИДА БА 28-УМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН!
reading books is good http://book-sale.online

Тақвим

«    Февраль 2024    »
ПнВтСрЧтПтСбВс
 1234
567891011
12131415161718
19202122232425
26272829 

Серхонанда